Öryggishnappurinn er dýrmætt öryggistæki fyrir okkar nánustu. Með öryggishnappnum þarf aðeins að þrýsta á hnappinn ef atvik á sér stað og í kjölfarið berast strax boð til stjórnstöðvar Öryggismiðstöðvarinnar.
Þá opnast um leið talsamband á milli viðskiptavinar og öryggisvarðar í gegnum stjórnstöðina. Hljóðneminn í tækinu er mjög næmur og næst því talsamband mjög víða í viðkomandi rými.
Hægt er að fá öryggishnappinn sem armband eða hálsmen. Það má fara með hnappinn á sér í sturtu.
Öryggishnappurinn er fáanlegur með fallgreiningu (fallhnappur) sem nemur fall og sendir hann þá sjálfkrafa boð til stjórnstöðvar sem samstundis bregst við. Hægt er að bæta við reykskynjara sem tengist beint við stjórnstöðina.
Einnig er hægt að fá öryggishnappinn sem skarthnapp í hálsmeni, hann kemur í fallegri keðju og með gylltu og silfruðu skrauti. Skarthnappurinn fæst einnig sem fallhnappur.
Öryggishnappurinn veitir notanda hans tækifæri til þess að njóta aukins öryggis heima við og hugarró um að viðbragð er ávallt innan handar ef eitthvað kemur upp á.
Stjórnstöð Öryggismiðstöðvarinnar vaktar öll neyðarboð frá öryggishnappnum og sendir öryggisvörð á nálægustu útkallsbifreið á staðinn ef á þarf að halda.
Ef þéttikantur losnar á hnappnum þarf að hafa samband við Öryggismiðstöðina sem sendir tæknimann á staðinn með nýjan hnapp.
Hægt er að sækja um niðurgreiðslu á öryggishnöppum frá Sjúkratryggingum Íslands.
Það sem þarf að gera til þess að sækja um niðurgreiðslu er að fá lækni, iðjuþjálfa eða sjúkraþjálfara sem þekkir til aðstæðna til þess að meta þörf fyrir þjónustuna, rökstyðja færni og sækja um á sérstöku eyðublaði frá Sjúkratryggingum Íslands.